Qazaqstan prezıdenti Qasym-Jomart Toqaev koronavırýs indetinen qaıtys bolǵan azamattardy eske alý úshin jalpyulttyq aza tutý kúnin jarıalaý týraly jarlyqqa qol qoıdy. Prezıdenttiń jarlyǵyn Aqorda saıty jarıalady.
"Qazaqstan Respýblıkasynda 2020 jylǵy 13 shilde koronavırýs indetinen qaıtys bolǵan azamattardy eske alý jalpyulttyq aza tutý kúni bolyp jarıalansyn" delingen prezıdent jarlyǵynda.
Keshe, 8 shildede prezıdent Qasym-Jomart Toqaev respýblıkalyq telearnalardan qazaqstandyqtarǵa úndeý jasap, qara jamylyp otyrǵan azamattardyń qaıǵylaryna ortaqtasyp, kóńil aıtatynyn, 13 shildeni – Ulttyq aza tutý kúni dep jarıalaıtynyn habarlaǵan.
Pikir qaldyrý