Aımaq basshysy Danıal Ahmetov Covid-19 aýrýyna shaldyqqandardyń statısıkasy jóninde aıtyp berdi.

Shyǵys Qazaqstan oblysyndaǵy aýrýhanalar 30 paıyzǵa toldy. Bul týraly aımaq basshysy Danıal Ahmetov málim etti.

Shyǵys Qazaqstanda 1 maýsymnan bastap koronavırýstyq ınfeksıa juqtyrǵandardyń sany 17 esege (135-ten 2313-ke deıin) artqan. Búgingi kúni 1242 (54%) naýqastan vırýstyń klınıkalyq belgiler anyqtalǵan. Qalǵan 1071 (46%) adamda koronavırýstyq ınfeksıa eshqandaı belgisiz tirkelgen.

Infeksıadan jazylǵandar da bar. Osy kúnge 1122 adam (48,5%) dertinen aıyqty. Onyń ishinde 505-i stasıonarda, 617-i ambýlatorıalyq em alǵan.

Qazirgi ýaqytta 1191 turǵyn stasıonarda em alýda. Sonyń ishinde 537-i ınfeksıalyq stasıonarda, 654-i provızorlyq nemese ambýlotorıalyq stasıonarda emdelip jatyr.  Pasıentterdiń jaǵdaıy turaqty.

Aıta keteıik, shekteý sharalarynyń nátıjesinde Semeıdegi aýrý kórsetkishi 1,5 esege tómendedi. Dál osyndaı nátıje shilde aıynyń orta sheninde Óskemende de kútilýde.

SHQO aqparat ortalyǵy