Qurban aıt merekesine oraı Úrjar aýdanyndaǵy Qabanbaı aýylynyń týmasy, Almatydaǵy týrısik fırmanyń beldi qyzmetkeri Tóleýjan Muratqyzy Ǵalıeva 250 bas usaq maldy qurbandyqqa shaldy.
Qurbandyqqa shalynǵan maldyń etteri Qabanbaı men Qarabulaq aýylyndarynda turatyn áleýmettik jaǵynan az qamtylǵan jáne kópbalaly otbasylarǵa, sondaı-aq múmkindigi shekteýli jandar men jalǵyzbasty adamdarǵa taratyldy. Oǵan aýyl turǵyndary dán rıza.
Aıta keteıik, Tóleýjan Muratqyzynyń qoldaýymen Qabanbaı aýylyndaǵy 250 jáne Qarabulaq aýylyndaǵy 30 otbasyna kómek kórsetildi.
Bul ıgi isten Úrjar aýdanyndaǵy Kóldeneń aýylynda qurylǵan "Iýbıleınyı" JSHS-niń basshysy Mamyrbek Qarashev ta shet qalmady. Ol
túıeni qurbandyqqa shalyp, 100 otbasyǵa 700 keli et úlestirip berdi. Onyń ishinde áleýmettik az qamtylǵan otbasylar men zeınetkerler, sonymen qatar muqtaj jandar da bar.

Qurban aıtta jerlesterin nazardan tys qaldyrmaı, kómek kórsetken Mamyrbek Baqtyǵazyulyna jerlesteriniń aıtar alǵysy zor.
Aıta keteıik, Qurban aıt kúlli musylman qaýymy asyǵa kútetin ulyq mereke. Bul tatýlyq pen baýyrmaldyqqa úndeıtin meıram ekenin atap ótken oryndy.
Shyǵys Qazaqstan oblysynyń jurtshylyǵy kesheli beri onlaın qurbandyq shalyp, ıgi ister men saýapty amaldardy  júzege asyryp jatyr.