"SK-Farmasıa" JSHS basqarma tóraǵasy Erhat Esqalıev jańa qyzmette qansha jalaqy alatynyn aıtty. Bul týraly ol ortalyq komýnıkasıalar qyzmetinde ótken onlaın brıfıńte habarlady.

– Jalaqyma qatysty aıtar bolsam, meniń jalaqym 750 myń teńgeden bastalady. Biraq qyzmetke kelgenime bir aı da bolǵan joq. Jaqyn arada keńes ótedi. Sol jerde jalaqynyń kólemi belgilenedi, – dedi Erhat Esqalıev.

Ol ákimshilik shyǵyndarǵa baılanysty jumys tobyn qurǵanyn atap óttik.

– Qazir esep-qısapty aıaqtap qaldyq. Jaldaý shyǵyndaryn 10 paıyzǵa, jalǵa alynatyn alańdar kólemin 20 paıyzǵa deıin qysqartý josparlanyp otyr. Jyl sońyna deıin "SK-Farmasıa" shyǵyndaryn 200 mln teńgege deıin tómendetý kózdelgen. Degenmen, bul sońǵy sıfr emestigin atap ótkim keledi. Jumysty jalǵastyryp jatyrmyz. Bizge shyǵyndardy ulǵaıtpaı jedel qor qurý, jeke naryq jáne gýmanıtarlyq júk syndy qosymsha qyzmetter júktelip otyr. Biz barynsha tıimdi jumys isteýge tyrysamyz, – dedi ol.

Erhat Esqalıev 12 shilde kúni "SK-Farmasıa" JSHS basqarma tóraǵasy qyzmetine taǵaıyndalǵan bolatyn. Buǵan deıin atalǵan qyzmetti Berik Shárip atqaryp kelgen.

"SK-Farmasıa" JSHS basshysy málimetine sáıkes, qyzmetkerlerdiń jalaqy mólsherin tómendegideı:

– menedjerdiń pozısıasy – 200 000 teńgeden bastap;
– bas menedjerdiń pozısıasy – 350 000 teńgeden bastap;
– ákimshilik-basqarý personalynyń pozısıasy – 450 000 teńgeden bastap;
– basqarma músheleriniń, onyń ishinde basqarma tóraǵasynyń pozısıasy – 750 000 teńgeden bastap.