Belarýs respýblıkasynyń Ortalyq saılaý komısıasy prezıdent saılaýynyń aldyn ala nátıjelerin jarıalady. Oǵan sáıkes, qazirgi prezıdent Aleksandr Lýkashenko saılaýshylar daýsynyń 80,23 paıyzyn jınap, jeńiske jetken. Úmitker Svetlana Tıhanovskaıa 9,9 paıyzy, Anna Kanopaskaıa 1,68 paıyz, Andreı Dmıtrıev 1,04 paıyz, Sergeı Cherechen 1,13 paıyz daýys alǵan. Saýlaýǵa qatysqandardyń 6,02%-y barlyq úmitkerge qarsy daýys bergen.

Keshe, jeksenbi kúni exit poll nátıjesi shyqqan keıin azamattar Mınskide jáne eldiń basqa da qalalarynda jappaı narazylyq aksıalaryna shyqqan. Turǵyndar 1994 jyldan beri eldi úzdiksiz basqaryp kele jatqan Aleksandr Lýkashenkanyń jeńisine senbeıdi.

Belarýs buqaralyq aqparat quraldarynyń málimetinshe, elde narazylyqqa shyqqan azamattardy qarýly kúshter ustap, áketip jatyr.

NEXTA Live telegram kanaly Mınskidegi polısıa men beıbit turǵyndar arasyndaǵy qaqtyǵystyń beınekadrlaryn jarıalady. Quqyq qorǵaý organdarynyń qyzmetkerleri narazylyq bildirgen azamattardy jaryqtyq granatalardy qoldana otyryp taratýǵa tyrysqan.

NEXTA Live telegram kanalynyń málimetinshe, 9 tamyz kúni túnde bolǵan narazylyq aksıasynda Mınsk qalasynyń bir turǵyny qaıtys bolǵan. Aksıanyń qurbany bolǵan ondaǵan adam Mınsk aýrýhanalarynda qajetti em alyp jatyr.