Ulybrıtanıa premer-mınıstir Borıs Djonsonnyń búgingi basty málimdemesinde Manchesterde tolyqtaı lokdaýn jarıalaýy múmkin ekeni, bul sheshim búgin keshke qabyldanatyny aıtylady. Bul týraly brıtanıalyq basylymdar habarlaýda.

Úkimet Manchesterdegi Oldhemde koronavırýstyq ınfeksıa deregi kóbeıe bastaǵandyqtan, tolyqtaı oqshaýlaýdy qarastyrýda. Jańa sharalar pabtar, meıramhanalar men sportzaldardy qaıtadan jabýǵa múmkindik beredi. Buǵan deıin Ulybrıtanıa bıligi shekteý sharalaryn jeńildetketkennen keıin, áleýmettik retsizdik paıda bolǵany habarlanǵan. The Telegraph gazeti jaǵdaı ýshyǵyp ketse, Ulybrıtaná bıligine Qazaqstannan úlgi alýy kerek ekenin jarıalaǵan.

Oldhemde ishinara jańa shekteýler qazirdiń ózinde de bar, adamdarǵa úıde jınalýǵa tyıym salynady.

Biraq ınfeksıa deregi kóbeıgendikten bılik bul sharalar jetkiliksiz bolady dep alańdaýly.

Aqparattarǵa sáıkes, mınıstrler jergilikti keńesten yqtımal jańa shekteýler týraly keńes alǵan, bul týraly búgin habarlanady.

Oldhemde ınfeksıanyń ósýi jalǵasyp, qazirgi ýaqytta koronavırýsty juqtyrýdyń eń joǵary deńgeıine jetken. 100 000 adamǵa shaqqanda 108,8 koronavırýstyq jaǵdaı tirkelgeni habarlanǵan.

Sońǵy tórt aptadaǵy COVID-19 juqtyrǵandardyń kópshiligi 20-30 jastaǵy azamattar.

Jańa jaǵdaılardyń kópshiligi 20 jastan asqan áıelder (66 adam) jáne er adamdardan (52 adam) tirkelgeni jarıalanǵan.