Áleýmettik jelilerde grepplıngten Azıa chempıony Esenbek Sıǵýatovty óltirgen Atyraý oblysy polısıa departamentiniń qyzmetkeri ekeni týraly aqparat paıda boldy, dep azh.kz habarlady.

Qaıǵyly oqıǵadan keıin Damba aýylynyń turǵyndary oblys ákimine ashyq hat joldaǵan. 

"Biz budan aldyn polısıaǵa jastar arasynda atys, tóbeles jaǵdaılary jıilep ketkenin aıtyp, birneshe ret habarlaǵan bolatynbyz. Biraq qaıǵyly oqıǵa oryn alsa da, quqyq qorǵaý organdary tarapynan eshqandaı da shara qoldanylmaǵany anyq. Bul balalarymyzdyń qaýipsizdigi úshin óte qaýipti" delingen hatta.

Sonymen qatar hatta Azıa chempıony Esenbek Sıǵýatovqa atylǵan tapansha polısıa qyzmetkerine tıesili ekeni aıtylǵan. Alaıda polısıa departamenti muny joqqa shyǵaryp otyr.

Qazirgi ýaqytta 26 jastaǵy kúdikti tergeý ızolátoryna qamaldy.

9 tamyzǵa qaraǵan túni Atyraýdyń Azıa chempıony Esenbek Sıǵýatov júreginen oq jaraqatyn alyp, oqıǵa ornynda jan tapsyrǵan bolatyn.