Fransıa "qyzyl aımaq" koronavırýstyq tótenshe jaǵdaıyn jarıalady. Parıj jáne Býsh-dú-Rona aımaǵy koronavırýstyq jaǵdaılardyń kúsheıýine baılanysty karantınge alyndy. 

Fransıa úkimeti qala men Jerorta teńiziniń jaǵalaýyndaǵy aımaqty koronavırýsty juqtyrý qaýpi joǵary "qyzyl aımaqtar" dep jarıalady. Qaýly jergilikti bılik organdaryna adamdar men kólik quraldarynyń aınalymyn shekteýge, qoǵamdyq kólikter men áýe qozǵalysyn shekteýge, qoǵamdyq ǵımarattarǵa kirýdi shekteýge jáne ınfeksıa qaýpi joǵary keıbir mekemelerdi jabýǵa ókilettik beredi.

Aqparattarǵa sáıkes, Fransıada sońǵy aptada jańadan tirkelgen jaǵdaılardyń 66 paıyzǵa artýy jáne 100 000 turǵynǵa shaqqandaǵy aýrýdyń 52 paıyzǵa ósýi koronavırýstyń kúrt óskendigin kórsetedi.

Jaǵdaıǵa baılanysty Ulybrıtanıa Fransıadan kelgen adamdar senbiden bastap 14 kúndik karantınde bolýy kerektigin jarıalady. Brıtanıalyq basylymdar Birikken Koróldiktiń de búgin keshte karantın jarıalaýy múmkindigin habarlady. 

Buǵan deıin Eýropa elderinde koronavırýstyń ekinshi tolqynynyń alǵashqy belgileri paıda bolǵanyn habarlaǵan bolatynbyz.