AQSH pen Qytaı arasyndaǵy saýda soǵysynyń saldarynan iPhone-nan bastap barlyq telefon, kompúter óndiretin Foxconn kompanıasy Qytaıdan birtindep ketip jatyr. Bul týraly "Qamshy" portalynyń ǵylym salasyndaǵy arnaýly avtory Jeksen Toqtarbaı habarlady.

Kompanıanyń atqarýshy dırektory Iań Lıý 2020 jyldyń maýsym aıynda Qytaıdaǵy óndirisiniń 25%- paıyzyn, osy eki aıdyń ishinde 30 paıyzyn kóshirgenin málimdedi.

Ol ınvestorlarmen jasaǵan vıdeo-konferensıada kompanıasyn Úndistanǵa, Ońtústik Azıa elderine nemese AQSH-qa kóshirý kerektigin, Qytaıdyń "álemniń óndirýshisi" dáýiriniń aıaqtalǵanyn aıtty.

Ózindik quny 1,13 trıllıon dollar bul kompanıanyń 2020 jyldyń alǵashqy jartysyndaǵy taza tabysy 778 mıllıon dollardy quraǵan. Jyl sońyna qaraı tabystyń taǵy da tómendeıtini boljanyp otyr.

AQSH pen Qytaı arasyndaǵy saýda soǵysy tek bul kompanıaǵa ǵana áser etpedi. Qytaıdaǵy áıgili telefon óndirýshi Huawei men Xiaomi kompanıalaryna da qıyn tıip otyr. Sebebi Qytaı men Ońtústik Azıa elderiniń áserinen Úndistan da ol eldiń ónimderine shekteý qoıǵan.