Sheteldik basylymdar "ekinshi tolqyn bastalady! Ulybrıtanıada Borıs Djonsonnyń eskertýinen keıin sońǵy aptalarda koronavırýs eń nashar kórsetkishke jetti" degen taqyryppen aqparat jarıalady.

BBC Fransıada koronavırýs jaǵdaıynyń órshigenin habarlap, Parıj jáne Býsh-dú-Rona aımaǵy koronavırýstyq jaǵdaılardyń kúsheıýine baılanysty "qyzyl aımaq" dep jarıalanyp karantınge alynǵanyn jazdy.

Nıderlandyda da COVID-19 juqtyrǵandardyń qaıta artqany baıqalǵan. Jaǵdaıǵa baılanysty Ulybrıtanıa bıligi Fransıa jáne Nıderlandydan keletin azamattardy 15 kúnge karantınge alatynyn habarlaǵan. Brıtanıa basylymdary Manchesterdegi koronavırýs jaǵdaıynyń órshýine baılanysty 14 tamyz keshte Birikken Koróldiktiń karantın jarıalaıtynyn habarlaǵan. Ulybrıtanıa premer-mınıstri Borıs Djonson sol kúni keshte birqatar shekteýlerdi jarıalady. 

Keıinirek brıtanıa basylymdary "premer-mınıstrdiń eskertýinen keıin sońǵy aptalardaǵy eń nashar kórsetkishke jetti, ekinshi tolqyn bastalady!" dep aqparat jarıalady.

Koronavırýstyń jańa jaǵdaıynyń kóbeıýine baılanysty soltústik pen Mıdlendtegi birneshe qalalarda jergilikti qulyptaý týraly qorqynysh kúsheıe tústi.

Londonnyń "qyzyl tizimine" Úlken Manchester, Lankashır, Batys Iorkshır jáne Lestershırdegi 20 qalashyq pen qala kiredi.

Buǵan deıin Eýropa elderinde koronavırýstyń ekinshi tolqynynyń alǵashqy belgileri paıda bolǵanyn habarlanǵan.