Búgin elimiz uly oıshyl Abaı Qunanbaevtyń 175 jyldyq mereıtoıyn atap ótýde. Soǵan oraı Shyǵys Qazaqstan oblysyndaǵy jalpy orta bilim beretin mektepterdiń 9 synyp oqýshylary «Abaı shyǵarmashylyǵynyń qyry men syry» atty onlaın sabaqqa qatysty.

Atalmysh shara aıasynda Qazaqstannyń asa kórnekti aǵartýshysy Abaı Qunanbaevtyń ǵylym men mádenıetke qosqan úlesi ashyp kórsetildi. Budan bólek oǵan qatysýshylar Abaı Qunanbaevtyń ómiri men shyǵarmashylyǵy týraly kóp taramaǵan málimettermen tanysty.

Dáristen soń balalar uly aqynnyń shyǵarmashylyǵyna baılanysty suraqtardan quralǵan kvestke qatysyp, bilimderin shyńdady. Oqýshylar kvesttegi saýaldarǵa úsh tilde jaýap berdi.

Shara barysynda balalar Abaıdyń ómiri men shyǵarmashylyǵyna arnalǵan kitappen tanysty. Balalar ınovasıalyq tehnologıalardyń arqasynda smartfonnyń kómegimen 3D-nysandardy, vıdeo, aýdıo nysandar men vırtýaldy týrlardy tamashalady.

Shara sońynda mektep oqýshylary uıymdastyrýshylarǵa alǵystaryn bildirip, bolashaqta osy onlaın dáristen alǵan bilimderin kádege jaratyndaryn málim etti.