Shyǵys Qazaqstan oblysynda «Rabbyń úshin qurban shal!» aksıasy aıasynda 2000-nan astam otbasyǵa et úlestirildi

2 shilde  Qurban aıttyń aıaqtalatyn kúni. Shekteý sharalaryna sáıkes meshitter jabyq boldy. Alaıda Qazaqstan musylmandary dinı basqarmasy Qurban2020.muftyat.kz saıtyn iske qosyp, qurbandyqty onlaın shalýǵa múmkindik jasady. Qurbandyq qashyqtyqtan shalyndy. Tapsyrys berýshilerge esep berildi.

Jobany iske asyrý úshin arnaıy jumys tobys qurylyp, úlken jumys atqaryldy. Búgingi kúni Qazaqstan musylmandary dinı basqarmasy Shyǵys Qazaqstan oblysynda 2071 otbasyǵa qurbandyq maldyń eti taratylǵanyn málim etti. Et ónimderi qarttarǵa, jetimderge, balalar úıi men aýrýhanalarǵa úlestirildi. Barlyq sanıtarlyq talaptar saqtaldy. Kómek alǵan jandar alǵystaryn bildirdi.

Meshittiń bas ımamy men birinshi naıb ımamy Daýlet qajy Tileýhanuly jyly lebizderin bildirdi:

 - Búgin, 2 tamyz kúni Qurban aıttyń sońǵy kúni. Volonterlar men QMDB-nyń Óskemen óńiri boıynsha ımamdary qurbandyqqa shalynǵan mal etterin taratty. Sondaı-aq qaladaǵy muqtaj otbasylarǵa azyq-túlikter berildi. Aıta ketetin bir jaıt, jastar bul ıgi iske bir kisideı atsalysty.

 «Rabbyń úshin qurban shal!» aksıasy aıasynda Qurban2020.kz saıtynan túsken ótinishterge baılanysty Óskemen óńiri boıynsha 1000-nan astam otbasyǵa azyq-túlik úlestirildi. 

- QR-nyń bas múftıi Naýryzbaı qajy Taǵanulynyń tapsyrmasymen osy aksıa uıymdastyryldy. Azyq-túlikter turǵyndardyń qoldaýymen jınaldy. Biz qurbandyq shalǵan jandar men qoldan kelgenshe kómek kórsetken barsha aǵaıynǵa alǵys aıtamyz. Táńirim, bizdiń duǵalaramyz ben qurbandyqtarymyzdy qabyl etsin, - dedi QMDB-nyń Óskemen óńiriniń is basqarýshysy Berik Kádirov.