SHQO ákiminiń qurylys, energetıka jáne turǵyn úı-kommýnaldyq sharýashylyǵy salasy boıynsha orynbasary Baqytjan Baıahmetov turǵyndarmen jeke onlaın qabyldaý ótkizdi.
«Halyq únine qulaq asatyn memleket» tujyrymdamasyn iske asyrý maqsatynda SHQO ákiminiń orynbasary vıdeokonferensıa arqyly turǵyndarmen jeke onlaın qabyldaý ótkizdi. Oǵan oblystyq basqarma basshylary men aýdandyq jáne qalalyq ákimdikter qatysty.
Aımaq basshysy orynbasarynyń onlaın qabyldaýynda 7 adam kómek surady. Sonyń biri – Ulan aýdanynyń turǵyny S.Mataeva. Ol ata-anasynyń qamqorlyǵynsyz qalǵan nemelerin baǵyp otyr. Qart ana onlaın qabyldaý barysynda kishi nemeresin turǵyn úımen qamtamasyz etýdi ótindi.
Qabyldaýǵa Óskemen qalasynyń úsh turǵyny qatysty. I.Kazanskaıany saıajaı birlestigindegi transformatordy oblystyq ortalyqtyń balansyna berý týraly máselege qyzyǵýshylyq tanytty. R.Smaǵulov aýlany abattandyrý jáne kógaldandyrý máselesin sheshýge jáne shatyrdy jóndeýge qol ushyn berýdi surady. R.Jubaqov Óskemendegi sol jaǵalaýda ornalasqan Shors kóshesin jóndeýdi ótindi.
Semeılik kópbalaly ana R.Qasenova turǵyn úı kezegindegi tizimin qalpyna keltirýdi surady.
Rıdder qalasynyń turǵyndary N.Meshkova men O.Altýhanova jol jóndeý jáne Tatar kóshesine sý qubyrlaryn tartý, sondaı-aq kámelettik jasqa tolmaǵan jasóspirimderge araq-sharap ónimderin satý máselesin qozǵap, sheshimin tabýdy ótindi.
Qabyldaý barysynda SHQO ákiminiń orynbasary Baqytjan Baıahmetov túsindirý jumystaryn júrgizip, bul máseleler aldaǵy ýaqytta qarastyrylatyn atap ótti. Sondaı-aq aımaq basshysynyń orynbasary oblystyq basqarma basshylaryna tıisti tapsyrmalardy júktedi.
Pikir qaldyrý