Túrkistan oblysynda týǵan qyzy men áıeline zorlyq jasaǵan er adam 15 jylǵa qamaldy. Bul týraly vera.kz habarlady.

Oblystyq polısıa departamenti tergeý bóliminiń basshysy Nurmahan Jalǵasovtyń aıtýynsha, qylmysty ashý úshin polıseılerdiń biraz ýaqyty ketken. 2019 jyldyń qazanynda Saryaǵash aýdanynyń polısıasyna jábirlenýshi qońyraý shalyp, bir aı buryn ózi men qyzyn zorlaǵanyn aıtqan.

Polısıa atalǵan faktini tirkeýge alyp, QR qylmystyq kodeksiniń 121-baby (seksýaldyq sıpattaǵy zorlyq-zombylyq áreketteri) boıynsha sotqa deıingi tergeýdi bastady. İs oblystyq polısıa departamentiniń tergeý bólimine jiberildi. Kúdikti qylmysyn moıyndaǵanymen, kelesi kúni áıel aıtqan sózinen bas tartqan.

– Áıeli ishimdikke salynyp júrgen kúıeýin osylaı jazalaǵanyn aıtty. Biraq biz kýálik berýden bas tartqanyna qaramaı, sotqa deıingi tergeý jumystaryn jalǵastyrdyq. Biz kúndiz-túni jumys jasap, aıǵaqtardy izdestirip, kásibı mamandarmen jumys jasadyq. Atalǵan qylmystyq iske birneshe aı ótti, – dedi Nurmahan Jalǵasov.

Oblystyń ádilet mınıstrligi men sot-medısınalyq saraptama ınstıtýtynyń mamandary zorlyq-zombylyq faktisin rastady.

Mamannyń aıtýynsha, áıeli men qyzy kúızeliske ushyraǵan. Aldaǵy ýaqytta sot prosesine jasóspirimdi qatystyrmaýdy usyndy.

Kúdikti qyzy men áıeline zorlyq-zombylyq kórsetkeni úshin 15 jylǵa sottaldy.