Shyǵys Qazaqstanda joǵalyp ketken 7 jasar bala óli kúıinde tabyldy, dep habarlady Polisia.kz.

29 tamyzda keshke Zýbovsk aýylynda joǵalyp ketken Edýard óli kúıinde tabyldy.

30 tamyz kúni balanyń ata-anasy polısıaǵa balasynyń joǵalyp ketkenin habarlaǵan.

Ata-anasynyń aıtýynsha, aýlaǵa oınaýǵa shyqqan bala joǵalyp ketken. Polısıaǵa habar túsken soń, balany izdeýge barlyq polısıa qyzmetkerleri, eriktiler, sondaı-aq aýyl turǵyndary kirisken.

Oblystyń polısıa departamentiniń habarlaýynsha, balanyń denesi Zýbovsk mańaıynan tabylyp, zorlyq-zombylyqpen óltirilgeni anyqtalǵan. Tártip saqshylary balany ertip ketken 20 jastaǵy turǵyndy ustady.

– Osy derek boıynsha "Adam óltirý" babyna saı sotqa deıingi tergeý bastaldy. Kúdikti kinásin moıyndady. Ol Altaı polısıa bóliminiń ýaqytsha ustaý ızolátoryna qamaldy, – dedi oblystyq polısıa departamentiniń basshysy Saǵat Mádıev.