Búgin, 10 tamyzda Abaı kúni alǵash ret resmı mereke retinde atalyp ótilýde. Fılologıa ǵylymdarynyń doktory, profesor, Abaıtanýshy Aıgúl İsmaqova, qazaqtyń birtýar aqyny, fılosof, aǵartýshy Abaıdyń 175 jyldyǵyna oraı Óńirlik komýnıkasıalar qyzmetine bergen suhbatynda uly Abaı murasynyń mańyzdylyǵy týraly aıtty.

«Mereke adamǵa bir sát kidirip, rýhanı kúıine nazar aýdarýǵa múmkindik beredi. Abaıdyń shyǵarmalaryn oqý kerek jáne dál qazir adamdarǵa Abaı óte qatty qajet ekenin aıtýymyz kerek. Abaıdyń jazbalarynan qazirgi jaǵdaıdan qalaı shyǵýǵa bolatynyna jaýap tabýǵa bolady (qazirgi koronavırýstyq pandemıa jaǵdaıy týraly). Ár adam ózin jáne aınalasyndaǵylardyń aýyryp qalmaýyn ǵana emes, sonymen birge búkil elge qalaı kómektesýge bolatyndyǵy týraly oılanýy qajet. Biz bir-birimizge meıirimdi jáne iltıpatty bolýymyz kerek», — dep atap ótti Aıgúl İsmaqova.

Aıgúl İsmaqova sonymen birge, uly Abaıdyń óz eńbekterinde oqýǵa, aǵartýǵa jáne synı turǵydan oılaýǵa shaqyrǵanyn eske aldy. Ol Abaıdyń shyǵarmalaryn karantın kezinde qaıta zerdelep, oqýǵa keńes berdi.

«Abaı: "bilimdi adam-aǵartýshy, zıatker tulǵa bolýy kerek", –dedi. Ýaqytqa syn kózben, ózin-ózi taný turǵysynan qaraý kerek. Qazir "qalaısha tabysty, baı bolýǵa bolady, jyldam ózgerip jatqan zamanda qalaı ózińdi qalyptastyrýǵa bolady" degen sekildi trenıńter ótip jatyr. Abaı shyǵarmalary – bizdiń zamandastarymyz úshin eń úlken qozǵaýshy kúsh. Abaı – bul ómirdi laıyqty súrip, abyroıyń men qadir-qasıetindi qalaı saqtaýǵa bolatyndyǵy týraly motıvasıa júıesi», — dep sózin túıindedi fılolog.