Shyǵys Qazaqstan Prezıdenttiń tapsyrmasyn oryndap, jańa oqý jylyn bastaǵan elimizdegi birinshi óńir atandy. Memleket basshysynyń tapsyrmasy boıynsha oblystaǵy 200 aýyl mektebinde oqýshylardyń bilim alýy úshin jaǵdaı jaqsartyldy.
Máselen, Tarbaǵataı aýdany, Aqjar aýylyndaǵy mektepke jóndeý jumystary júrgizildi. Jóndeý jumystarynyń nátıjesin SHQO ákimi Danıal Ahmetov tekserip qaıtty.
Aıta keteıik, jańa oqý jylyndaǵy epıdemıanyń qıyndyqtaryna qaramastan Aqjar aýylyndaǵy mektep shtattyq rejımde jumys isteýge kóshti. Onda bastaýysh synyp oqýshylary bilim alýda. Barlyq sanıtarlyq talaptar qatań saqtalǵan.
«Atalǵan oqý ornyn jóndeý jumystaryna 260 mıllıon teńge bólindi. Nátıjesinde, barlyq synyp qaıta qalpyna keltirilip, terezeler men komýnıkasıalyq jeliler aýystyryldy. Alǵash ret bul mektepte jyly toraptar paıda boldy», - dedi SHQO ákimi Danıal Ahmetov.
Sondaı-aq, aımaq basshysy qurylysshylardan mekteptiń qanshalyqty jyly bolatyndyǵyn surady. Jumysshylar bolsa, bul bilim oshaǵyn balalarǵa jyly ári jaıly bolatynyn aıtty.
Pikir qaldyrý