Úkimette memleket basshysynyń bıylǵy Joldaýyn iske asyrý boıynsha Jalpyulttyq is-sharalar josparynyń jobasy jarıalandy. Premer-mınıstr Asqar Mamın koronavırýstyq ınfeksıaǵa qatysty málimdeme jasady.

– Qabyldanǵan sharalardyń arqasynda koronavırýstyń jaǵdaıy turaqtandy. Koronavırýstyq ınfeksıasy men vırýstyq pnevmonıa tarıftik ósýi 0,5 paıyz sheginde. Búginde ınfeksıany juqtyrǵan adamdardyń 94%-y emdelip shyqty. Infeksıalyq aýrýhanalardyń júktelýi 15paıyz. Jedel járdem shaqyrý 80%-ǵa deıin tómendedi. Aýrý juqtyrǵandardyń sanyn azaıtý, medısınalyq kómek tıimdiligin jaqsartý boıynsha naqty sharalar qabyldandy. Kúzde aýrýlar sany artady. Osyǵan baılanysty 15-shi qyrkúıekten bastap halyqty tumaýǵa qarsy vaksına salý bastalady, – dedi ol.

Onyń aıtýynsha, óńirlerde 12 ınfeksıalyq aýrýhana salynyp jatyr.

– 2 stasıonar qaıtadan jańartyldy. Jalpy aýrýhanalardaǵy oryndar sany 50 myń orynǵa deıin jumys júrgiziledi. Aýyldyq jerlerde medısınalyq kómek qamtamasyz etiledi jáne jedel járdem kólikteri men barlyq jabdyqtarmen qamtamasyz etilýde. Jeke qorǵaný quraldary men dári-dármekter jetkilikti qory jasaldy. Tapshylyq bolmaıdy. Tamyz aıynan beri halyqqa emdelý úshin tein dári-dármek berilip jatyr. Vırýsqa testileý sany artty. Vaksına satyp alý jóninde kelissózder ótkizildi.

Álemdegi epıdemıanyń turaqsyzdyǵyn eskersek, vırýstyń qaıtadan órshý múmkindigine daıyndyq jumystaryn jalǵastyrýymyz kerek. Keıbir shekteý sharalaryn jalǵastyrý qajet.

Osyǵan baılanysty mynadaı tapsyrma beremin:
1. Óńirlerdiń ákimderi epıdemıologıalyq jaǵdaıdy erekshe baqylaýda ustasyn, barlyq sanıtarıalyq normalardy qatań saqtasyn. Vırýstyń taralýy men aýrý juqtyrý kórsetkishteriniń ózgerýine qaraı jedel ári naqty áreket etsin. Infraqurylymdy daıyndaý sharalaryn qabyldasyn jáne barlyq satydaǵy medısına jumyskerleriniń qaýipsizdigin qamtamasyz etsin.

2. Densaýlyq saqtaý mınıstrligine múddeli memlekettik organdarmen birge halyq arasynda profılaktıkalyq jumysty kúsheıtýdi tapsyrdy.

3. sıfrlyq damý mınıstrligi Densaýlyq saqtaý, Aqparat mınıstrlikterimen birge halyq arasynda aqparattyq-túsindirý jumysyn júrgizsin, – dedi Mamın.