Donald Tramp ondaǵan adam qaza taýyp, kóptegen adam jaraqat alǵan Armenıa men Ázirbaıjan arasyndaǵy qaqtyǵystardy toqtatý úshin AQSH-tyń qadam jasaıtynyn aıtty.

Armenıa men Ázirbaıjannyń arasynda ondaǵan jyldar boıy qaqtyǵys bolyp keledi. Ótken jeksenbide eki jaqtyń arasynda atys bastalyp, beıbit turǵyndar men ondaǵan sarbaz qaza tapty.

Donald Tramp AQSH-tyń soǵysty toqtatýǵa tyrysatynyn aıtty.

– Biz ony toqtata alamyz ba, kóremiz, – dedi AQSH prezıdenti. 

Jeksenbide AQSH memlekettik departamenti qaqtyǵystardy aıyptaıtyn málimdeme jasady.

Departamenttiń ókili Morgan Ortagýs "Qurama Shtattar Taýly Qarabah qaqtyǵys aımaǵyndaǵy aýqymdy áskerı is-qımyldar, sonyń ishinde beıbit turǵyndardyń ólimi týraly habarlarǵa alańdaýly. Biz qaza tapqandar men jaraqat alǵandardyń otbasylaryna kóńil aıtamyz. Qurama Shtattar zorlyq-zombylyqtyń órshýin qatań túrde aıyptaıdy. Hatshynyń orynbasary Bıgýn Ázirbaıjannyń Syrtqy ister mınıstri Djeıhýn Baıramov pen Armenıanyń Syrtqy ister mınıstri Zohrab Mnasakanándy eki jaqtan da áskerı áreketterdi dereý toqtatýǵa, odan ári shıelenistirmeýge shaqyrdy" dep málimdegen.