Aýyl sharýashylyǵyn qarjylaı qoldaý jobalary mýltıplıkatıvti tıimdiligin kórsetip, aýyl ómirine tyń serpin berýde. Sondaı jobalardyń biri – 25 qyrkúıekte Pavlodar oblysynyń Jańaqala aýylynda paıdalanýǵa berilgen 600 bas sıyrǵa arnalǵan jańa sút fermasy.

«QazAgro» holdıńiniń «Agrarlyq nesıe korporasıasy» qarjylandyrǵan joba «Jańa-Qala» sharýa qojalyǵyna sút óndirisin táýligine 7 tonnadan 10-14 tonnaǵa deıin arttyrýǵa múmkindik beredi.
«Jańa-Qala» sharýa qojalyǵy» JSHS dırektory Ardaq Qajat jańa ferma sútti sıyrlarǵa arnalǵan 500 orynǵa jáne sýalǵan, tranzıttik, buzaýlaıtyn sıyrlarǵa arnalǵan 100 orynǵa eseptelgenin aıtady.

Sút fermasy jańa tehnologıamen jabdyqtalady. Mysaly, ımporttalǵan jabdyqtyń arqasynda eki saýynshy bir ýaqytta 24 sıyr saýa alady. Avtomatty seleksıa júıesi de bar.

«Sıyrlarǵa arnaıy dachıkter ornatylady, olar operatorǵa sıyrdyń jaı-kúıi, súttiligi jáne densaýlyǵyna qatysty aqparaty jiberedi. Munyń bári qojalyq jumysshylarynyń júktemesin azaıtady», – dep atap ótti Ardaq Qajat.

«Jańa-Qalada» 70-ke jýyq jumysshy bar. Jańa fermanyń paıdalanýǵa berilýi taǵy 15 jergilikti mamandy jumyspen qamtamasyz etedi. Attas aýyldy damytyp, ómir súrýge qolaıly etý úshin fermerler 50 oryndyq jańa balabaqsha salyp bergen. Nysan 25 qyrkúıekte, fermanyń ashylý saltanatynda turǵyndar ıgiligine berildi.

Ferma qazan aıynyń sońynda, Germanıadan sımmental tuqymdy 510 bar sıyr jetkizilgen soń jumys isteı bastaıdy. Sharýashylyq táýligine 14 tonnalyq tolyq óndiristik qýatyna aldaǵy kóktemde shyǵady.

«Jobaǵa 842 mıllıon teńge bóldik. Jalpy quny shamamen 1 mıllıard teńgeni quraıdy. Kórip otyrǵanymyzdaı, sút fermasynyń qurylýy kóptegen jumys oryndaryn ashyp, aımaqty sútpen qamtamasyz etýde» – deıdi ANK Pavlodar fılıaly dırektorynyń orynbasary İzbasar Júsipekov.

Korporasıa qojalyqty qurý, jabdyqtaý jáne aýylsharýashylyq tehnıkasymen qamtamasyz etý shyǵyndarynyń 85%-yn qarjylandyrdy. Jergilikti «MolKOM-Pavlodar» sút zaýyty Bavarıadan iri qara satyp alýǵa taǵy 500 mıllıon teńge qaıtarymdy qarjy bóldi. Turaqty shıkizat kózi sút zaýytynyń óndirisin keńeıtýge de tıimdi.

«Jobanyń mýltıplıkatıvti tıimdiligin kórip otyrmyz – fermerler jańa balabaqsha ashty. Jobany qarjylandyrý arqyly biz aýyldy damytyp, jumys oryndaryn, óndiristik jáne áleýmettik nysandar qurýdamyz», – deıdi İzbasar Júsipekov.

Jalpy, 2020 jyldyń basynan bastap «Agrarlyq nesıe korporasıasy» Pavlodar oblysynda 600-ge jýyq aýylsharýashylyq taýar óndirýshilerine 9,2 mlrd teńge kóleminde qoldaý kórsetti.