Sheshenstan basshysy Ramzan Qadyrov óziniń Telegram-arnasynda Taýly Qarabahtaǵy qaqtyǵys týraly aıtyp, taraptardy qantógisti toqtatýǵa shaqyrdy.

– Búgin Taýly Qarabah, Ázirbaıjan jáne Armenıadan úreıli jańalyqtar qaıta kelip jatyr. Osy uzaqqa sozylǵan qaqtyǵysqa qatysqan barlyq taraptar bir-birin  aıyptap jatyr. Qarýdyń barlyq túrlerinen oq atyldy jáne sonyń saldarynan beıbit turǵyndar qurban boldy

Kavkaz – ejelgi mádenıeti bar kóptegen halyqtar ómir súretin terıtorıa. Olardyń barlyǵyn týystyq, tarıhı jáne mádenı tamyrlar biriktiredi. Sondyqtan kez-kelgen kavkazdyq úshin kórshiniń baqytsyzdyǵy jat emes, bul oǵan tikeleı qatysty. Barlyq aýyrtpalyqqa qaramastan, bizdiń, kavkazdyqtardyń ádet-ǵurpyn ustaý kerek. Bizdiń ákelerimiz ben atalarymyz árqashan dástúrlerimizge súıenip, qurmet, teńdik, baýyrmaldyq, namys, batyldyq zańdaryna basymdyq berdi, – dedi Qadyrov.

Ol baýyrlas ázirbaıjan men armán halyqtaryn qaqtyǵysty aqyl men adamgershilikti túsinýden alshaqtatyp jatqan maǵynasyz qantógisti toqtatýǵa shaqyrdy. 

Taýly Qarabaqtaǵy jaǵdaıǵa Reseı prezıdentiniń baspasóz hatshysy Dmıtrıı Peskov ta túsinikteme berdi.

– Biz urys qımyldary dereý toqtatylyp, qaqtyǵysty sheshý prosesi, sondaı-aq qazirgi shıelenistiń saldary saıası jáne dıplomatıalyq arnaǵa aýysýy kerek dep sanaımyz, - dedi Kreml ókili.

Peskov atap ótkendeı, qazirgi kezde "kimniń durys, kimniń burys ekendigimen aınalyspaı", soǵys qımyldaryn toqtatý mańyzdy.

Taýly Qarabah – Ázirbaıjan men Armenıa arasyndaǵy 30 jylǵa sozylǵan daýly terıtorıa. Mundaǵy urys qımyldary 27 qyrkúıekte bastaldy. Qaqtyǵystyń órship ketkeni úshin taraptar bir-birin aıyptady.

Ázirbaıjannyń málimdemesine sáıkes, Armenıada 550-den astam adam qaza tapty jáne jaraqat aldy.