Ulttyq dári-dármek saraptaý ortalyǵynyń bas dırektory Erik Baıjúnisovke qatysty birneshe ret para aldy degen kúdikke baılanysty úı qamaqqa alý túrindegi bultartpaý sharasy taǵaıyndaldy. Bul týraly  Nur-Sultan qalalyq sybaılas jemqorlyqqa qarsy qyzmeti habarlady.

Departament elektrondy qadaǵalaýshy bileziktiń eks-vıse-mınıstrge taǵylǵanyn naqtylady.

"Qazirgi ýaqytta qylmystyq is boıynsha mán-jaıdy jan-jaqty, tolyq jáne obektıvti tergeýge baǵyttalǵan zertteý júrgizilip jatyr. Tergeý múddeleri úshin qylmystyq is júrgizý kodeksiniń 201-babyna sáıkes sotqa deıingi tergeýdiń basqa derekteri jarıa etilmegen. İstiń sońǵy baǵasyn sot beredi" delingen habarlamada. 

Erik Baıjúnisov – Almaty memlekettik medısına ınstıtýtyn bitirgen hırýrg. Ol 2010-2014 jyldar aralyǵynda densaýlyq saqtaý vıse-mınıstri boldy.

Respýblıkalyq densaýlyq saqtaýdy damytý ortalyǵynyń bas dırektory, Astana qalasy densaýlyq saqtaý basqarmasynyń bastyǵy, áleýmettik medısınalyq saqtandyrý qorynyń basqarýshy dırektory qyzmetterin atqardy. 2020 jyldyń 4 tamyzynan bastap "Ulttyq dári-dármek ortalyǵy" RMK-ny basqarady.