Taraz qalasynda turǵyn úılerdiń birinde órt bolyp, eki bala qaza tapty, dep habarlady oblystyq polısıa departamentiniń baspasóz qyzmeti.

"1 qazanda saǵat 09:57 mınýtta polısıaǵa, Taraz qalasy Aqmola kóshesinde órt oryn alǵany týraly habar kelip tústi. Oqıǵa ornyna kelip jetken órt sóndirýshiler órtti sóndirgen. Oqıǵa ornyn qaraý barysynda polıseıler 2017 jáne 2018 jyly týǵan eki balanyń máıitin tapqan" delingen habarlamada.

Qazir osy derek boıynsha quylmystyq kodekstiń 292baby 3-bóligi boıynsha sotqa deıingi tergeý bastalyp, qajetti saraptamalar taǵaıyndaldy.

Oqıǵa ornynda ýly gazdan ýlaný belgileri bar 2018 jáne 2017 jyldary týǵan eki balanyń deneleri men birneshe sirińke qoraptary tabyldy. Órttiń shyǵý sebebi anyqtalýda.

"Aldyn ala málimetter boıynsha, balaladyń ákesi jumysta bolǵan, anasy balalaryn úıge tastap, syrtynan jaýyp, medısınalyq mekemege tekserýge shyqqan. Oqıǵa ornyna oblys ákiminiń orynbasary Erjan Jylqybaev pen qala ákimi Aıtqazy Qarabalaev kelip, oblys basshylyǵy atynan kóńil aıtty. Zardap shekken otbasyna jan-jaqty kómek kórsetiledi, onyń ishinde jerleý rásimin uıymdastyrý men psıhologtardyń kómegi de bar. Oblys ákimdigi men Jambyl oblysy TJ Departamenti ata-analardy balalaryn qaraýsyz qaldyrmaýǵa shaqyrady. Eresekter qyraǵy bolyp, órt qaýipsizdigi erejelerin saqtaý kerek" dep tolyqtyrdy oblys ákimshiligi.