Beıjiń men Vashıngton arasyndaǵy qyrǵı-qabaq soǵys qazirdiń ózinde bastalyp, alǵashqy kezeńi bolyp jatyr. Bul týraly Germanıanyń Der Spiegel jýrnaly Germanıa úkimetindegi transatlantıkalyq qatynastar jónindegi úılestirýshisi Pıter Baıerdiń pikirine silteme jasap habarlady.

Nemis dıplomatynyń pikirinshe, Beıjiń men Vashıngton arasyndaǵy saýda soǵysy aldaǵy júz jyldyqty anyqtaıtyn qaqtyǵys bolady.

Germanıa úkimetiniń ókili 3 qarashada AQSH-taǵy prezıdenttik saılaýda kim jeńiske jetse de, Eýropa "AQSH-pen seriktestikte osy kezden daıyndalýy kerek" dep sanaıdy.

Baıer Donald Tramptyń qarsylasy demokrat Djo Baıden de Qytaıǵa qatysty qatań saıasat júrgizýge nıet bildirgenin atap ótti.

Osyǵan baılanysty dıplomat "qıaldaǵy eskirgen transatlantıkalyq qundylyqtarǵa" oralýǵa shaqyrady. Bul rette ol eń aldymen "bostandyq pen demokratıa, beıbitshilik pen jaqsy jaǵdaı" týraly oılaıtynyn jetkizgen.

– AQSH-pen qarqyndy jáne jandy seriktestikti amerıkalyqtar nemisterge alyp kelgen qundylyq retinde aıtamyz, – deıdi Germanıa úkimetindegi transatlantıkalyq qatynastar jónindegi  úılestirýshi Pıter Baıer.