AQSH prezıdenti Donald Tramp óziniń jáne áıeli Melanıdiń koronavırýs juqtyrǵanyn aıtty. Bul týraly ol óziniń Twitter parqshasynda jazdy.
"Búgin birinshi hanym ekeýmiz COVID-19 synamasynyń nátıjesin aldyq. Ekeýmizde koronavırýspen aýyryp jatyrmyz. Biz karantınge ketip, qalypqa kelý prosesin dereý bastaımyz. Biz ony birge ótkizemiz!" delingen Tramp jazbasynda.
Buǵan deıin Tramp onyń keńesshisi Hoýp Hıksten koronavırýs anyqtalǵannan keıin COVID-19 indetine synama tapsyryp, jaýaby shyqpastan karantınde jatqanyn málimdegen bolatyn.
Prezıdenttiń eń jaqyn keńesshileriniń biri Hoýp Hıks Tramppen 29 qyrkúıekte pikirsaıysqa jáne 30 qyrkúıekte Mınnesotadaǵy mıtıńke barǵan kezde birge júrgen.
Pikir qaldyrý