Reseıde táýlik ishinde 9412 adamnan Covid-19 anyqtalyp, epıdemıologıalyq ahýal mamyrdyń sońyndaǵy shamaǵa jetti. Bul 23 mamyrdan keıin eń kóp tirkelgen jaǵdaı, dep habarlady bbc-diń orys qyzmeti.

Reseıde 20 kún qatarynan vırýsqa juqtyrǵandardyń sany ósip keledi. Elde Covid-19 anyqtalǵandardyń jalpy sany 1 mln 194 myń 643-ke jetti. Onyń ishinde 21 077 adam qaıtys bolǵan. Sońǵy táýlikte el boıynsha 186 adam koronavırýstan ólgen

Sońǵy táýlikte bir ǵana Máskeýde koronavırýstyń 2704 deregi tirkeldi. 

Máskeý meri Sergeı Sobánın birer kún buryn 5 qazannan bastap jumys berýshiler qyzmetkerleriniń 30 paıyzyn qashyqta isteýge jiberýdi mindetteıtin úkim shyǵarǵan. Al búgin qyzmetkerlerdiń jartysyn qashyqtan isteýge jiberý máselesi kóterildi.

Mer orynbasary Vladımır Efımov dúısenbiden bastap Máskeýde 2 mln adam qashyqtan jumys isteýge kóshýi kerektigin aıtty.