Qyrǵyzstanda 4 qazanda ótken parlament saılaýynyń nátıjesimen kelispegen azamattardyń Bishkektegi narazylyq aksıasynyń sońy jappaı tártipsizdikke ulasty, dep habarlady SEICHASKG telegram kanaly.

Qarsylyq aksıalary el astanasynan bólek, Talas jáne Qarakól sekildi birneshe qalada bolǵan.

5 qazanda kúndiz narazylyqqa shyqqan azamattar saılaý qorytyndysynyń kúshin joıyp, jańa saılaý ótkizýdi talap etken.

Artynsha saılaýǵa qatysqan 16 partıanyń 11-iniń ókili memorandýmǵa qol qoıyp, saılaýdy qaıtadan ótkizý týraly talaptaryn aıtty.

Bıliktiń "tarańdar" degenine qaramastan Bishkektiń ortalyq alańyna jınalǵan adam sany sát-saıyn artyp jatty.

Mıtıńke shyqqandar arasynda mas kúıdegi azamattardyń da bolǵany habarlandy. 

Oqıǵalar jelisiniń ary qaraıǵy hronıkasy tómendegideı:

20:22. Mıtıńshiler Aq úı qaqpasyna basyp kirmek boldy. Ásker kedergi keltirgen joq.

20:25. Aq úıge tas atqylaı bastady. 

Osy sátte ásker dybys zoraıtqysh granat pen gaz kómegimen ereýilshilerdi Aq úıdiń mańynan shegindirdi. Uzamaı alańda uıaly baılanys ajyrady. Ásker mıtıńshilerdi taratýǵa tyrysty.

Ereýilshiler sheginip bara jatyp, arnaıy jasaqqa tas atqylap jatty.

Osy kezde jaralanǵandar týraly aqparat shyǵa bastady. Arasynda depýtat Janar Akaev, polısıa qyzmetkeri bar.

Mıtıńshiler tártipsizke kóship, jolyndaǵyny qırata bastady. Polısıa kóliginiń tóńkerilip jatqan sýreti taraldy.

Osy ýaqytta eldiń kelesi qalasy Qarakólde de narazylyq aksıalary bastalyp, azamattarty Bishkekke attanýǵa shaqyrǵan urandar tastaldy. 

Artynsha el prezıdenti Sooronbaı Jeenbekovtyń saılaýǵa qatysqan 16 partıa kóshbasshylarymen 6 qazanda saǵat 09:00-de kezdesetini habarlandy.

Eldiń ishki ister mınıstrligi partıa ókilderine mıtıńke shyqqandardy taraýǵa úgitteýge shaqyrdy.

Biraq azamattar taraı qoımady. Kerisinshe jedel járdem beketiniń shyǵys qaqpalaryn bógep, tas atqylady. 6 jedel járdem kóligin aýdaryp tastady.

Uzamaı 100 den astam adamnyń túrli dene jaraqatymen aýrýhanaǵa túskeni habarlandy.

Erelýil bolyp jatqan aımaqta tolyqtaı uıaly baılanys buǵattaldy.