Ázerbaıjan prezıdenti Pýtınmen Taýly Qarabahtaǵy qaqtyǵysty talqylady

/image/2020/10/07/crop-9_10_327x581_3c2298567564305e210557db60eb4.jpeg

Ázerbaıjan men Reseı prezıdentteri Ilham Alıev pen Vladımır Pýtın telefon arqyly Taýly Karabaqtaǵy qaqtyǵysty talqylady. Bul eki kóshbasshynyń aımaqtaǵy soǵys bastalǵannan bergi alǵashqy áńgimesi, dep habarlady RIA Novostı saıty.

Áńgime Bakýdiń bastamasy boıynsha ótti.

"Prezıdent Ilham Alıev Reseı prezıdentin týǵan kúnimen quttyqtap, oǵan Reseıdiń damýy men órkendeýin jáne memlekettik qyzmette jańa tabystar tiledi" delingen Ázerbaıjan prezıdentiniń baspasóz qyzmeti taratqan aqparatta.

Vladımır Pýtın áriptesine kóńil bólip, quttyqtaǵany úshin alǵys aıtty.

"Memleket basshylary armán-ázerbaıjan Taýly Qarabah qaqtyǵysynyń tóńiregindegi jaǵdaıdy talqylady. Ilham Álıev pen Vladımır Pýtın Ázerbaıjan-Reseı qatynastarynyń bolashaǵy týraly pikir almasty" delingen habarlamada.

Taýly Karabahtaǵy qaqtyǵys 27 qyrkúıekten beri jalǵasyp keledi. Eki tarap janjaldyń bastalýyna birin-biri kinálaıdy.

Taýly Karabah Ázerbaıjan Respýblıkasy aýmaǵyndaǵy avtonomıalyq oblys. Oblys tolyqtaı Ázerbaıjannyń aýmaǵynda jatyr. Eshqandaı elmen shektespeıdi.

1992-1994 jyldary Armenıa aımaqta etnıkalyq armándardyń turyp jatqanyn jeleý etip ásker kúshimen Taýly Karabah ólkesi men irgeles jatqan jeti aýdannyń jerin basyp alǵan. Akkýpasıalanǵan jer Ázerbaıjan terıtorıasynyń 20 paıyzyn quraıdy.

Ol sátte Taýly Karabahta 170 myń azamat turǵan. Onyń 130 myńy armándar, qalǵany ázerbaıjandar edi.

1994 jyly oblysta oq atýdy toqtatý týraly kelisim jasalar sátte Ázerbaıjan jerine mıllıonǵa jýyq bosqyn kelgen.

1994 jyldan beri atalǵan aımaqqa qatysty kelissózder AQSH, Fransıa, Reseı teńtóraǵalary sanalatyn OBSE-niń Mınsk toby degen atpen jalǵasyp keledi.

Ázerbaıjan prezıdenti Pýtınmen Taýly Qarabahtaǵy qaqtyǵysty talqylady

Qatysty tegter :

Pikir qaldyrý

Qatysty Maqalalar