"Kovıd-19 vırýsy banknot, telefon ekrany jáne tat baspaıtyn bolat sıaqty zat betterinde 28 kún boıy juqpaly bolýy múmkin" deıdi zertteýshiler.

Avstralıa ulttyq ǵylymı agenttiginiń qorytyndylary koronavırýs biz oılaǵannan áldeqaıda uzaq ómir súre alatyndyǵyn kórsetti.

Alaıda eksperıment qarańǵyda júrgizildi. Últrafıolet sáýlesi vırýsty óltiretini qazirdiń ózinde dáleldengen.

Keıbir sarapshylar koronavırýstyń zattar arqyly juǵý qaýpine kúmán keltirdi.

Koronavırýs kóbinese adamdar jótelgende, túshkirgende nemese sóıleskende juǵady.

Sonymen qatar onyń aýadaǵy bólshekter arqyly taralýy múmkin ekeni týraly dálelder bar. AQSH-tyń Aýrýlardy baqylaý ortalyǵynyń habarlaýynsha, adamdar metal nemese plasık sıaqty ınfeksıalanǵan betterge janassa, koronavırýsty juqtyrýy múmkin. Alaıda bul áldeqaıda sırek kezdesedi dep sanalady.