Sybaılas jemqorlyqqa qarsy qyzmet mamandary Batys Qazaqstan oblysy densaýlyq saqtaý basqarmasynyń bastyǵy Bolatbek Kaıýpovty para aldy degen kúdikpen ustady. Bul týraly "Moı gorod" gazeti habarady. 

Basylymnyń jazýynsha, paranyń mólsheri shamamen jeti mıllıon teńgeni quraıdy. Basqarma basshysy ýaqytsha ustaý ızolátoryna qamaldy.

Kaıýpovqa qatysty tergeý bastaldy degen qaýeset kópten beri aıtylyp keledi. 7 qyrkúıekte basylym mán-jaıdy túsindirýdi surap, resmı saýal joldaǵan. Basylymǵa berilgen jaýapta oblystyq densaýlyq saqtaý basqarmasynyń basshysyna qatysty sotqa deıingi tergeý júrgizilmeı jatqany aıtylǵan.

BQO boıynsha sybaılas jemqorlyqqa qarsy qyzmet basqarma basshysynyń ustalǵany jaıly aqparatqa túsinikteme bergen joq, tek kez kelgen aqparat prokýratýramen kelisilgennen keıin beriletinin atap ótti.