AQSH-tyń qazirgi prezıdenti Donald Tramp saılaýdyń aıaqtalmaǵanyn, sonymen qatar demokrat Djozef Baıdenniń ózin "jeńimpaz" dep jarıalaýǵa asyqqanyn aıtyp, saılaý shtabynda málimdeme jasady, dep habarlady TASS agenttigi.

"Bul saılaý aıaqtalǵan joq. Djo Baıden ózin jeńimpaz dep tanystyrýǵa asyǵatynyn bárimiz bilemiz. Onymen birlesken BAQ oǵan kómektesýge tyrysady, sebebi olar shyndyqtyń ashylǵanyn qalamaıdy. Baıdenniń shtaby tek jalǵan, daýys berýge quqyǵy joq nemese qaıtys bolǵan saılaýshylar bergen búletenderdi eskergisi keledi" delingen Tramp málimdemesinde.

Onyń aıtýynsha, Baıden resmı túrde eshqandaı shtatta jeńimpaz bolmaǵan.

3 qarashada AQSH-ta prezıdent saılaý ótti, daýystardy sanaý áli kúnge deıin jalǵasýda, biraq AQSH-tyń jetekshi buqaralyq aqparat quraldary Baıden basym bolady dep boljam jasaǵan. Fox News telearnasy men Associated Press agenttiginiń habarlaýynsha, Trampty 214 saılaýshy qoldady, al onyń qarsylasy Djo Baıden 290 daýysqa ıe boldy. Jeńiske jetý úshin 270 qajet.