Nursultan Nazarbaev qory 850 myń adamǵa kómek kórsetken. Bul týraly qordyń dırektory Darıǵa Nazarbaeva "Jańa jaǵdaıdaǵy jastar: is-qımyl kezeńi" atty onlaın forýmda aıtty.

– Osy joly forým beınekonferensıa formatynda ótýde. Eshbir tehnıkalyq progres jeke qaýyshyp, qol alysyp qarym-qatynas jasaýdyń baǵa jetpes múmkindigine jetpeıdi. Barlyǵymyz bir-birimizdi saǵynamyz jáne epıdemıany jeńip, ómirimiz burynǵy qalpyna qaıta oralatynyna senimdimiz. Bıylǵy jyl elimiz úshin jáne árbireýimiz úshin úlken synaq jyly boldy. Pandemıanyń qara bulty adamdardyń densaýlyǵyna nuqsan keltirip, ómirlerin qıyp, álemge qaýip-qater tóndirdi,– dedi ol onlaın forýmnyń ashylýynda.

Osy rette Darıǵa Nazarbaeva pandemıa kezinde jaqyndarynan aıyrylǵan adamdarǵa kóńil aıtty.