Almaty qalasynyń ákimi Baqytjan Saǵyntaev jyl sońyna deıin qandaı turǵyn-úıler paıdalanylýǵa beriletinin habarlady.

"Turǵyn úı men áleýmettik nysandardyń qurylysyn kórip qaıttym. "Nurly jer" baǵdarlamasy boıynsha Naýryzbaı aýdanynda jalpy aýdany 217 840 sharshy metr bolatyn 127 kóppáterli "Alma sıtı" TK boı kóterýde. Bıyl 100 úı paıdalanýǵa beriledi. Jyl sońyna deıin aýdany 27 371 sh.m bolatyn "Nurly dala" TK-da 8 úı tapsyrylady. Alataý aýdanynda 43 620 sh. m 22 úıden turatyn "Mádenıet" TK salynýda.

Áýezov aýdanyndaǵy Jetisý-2 yqsh.-da №117 mektepke japsarlas 900 oryndy qosymsha qurylys salynýda. Naýryzbaı aýdanynda da №186 mekteptiń qasyna 513 oqýshyǵa arnalǵan qosymsha qurylys jáne 120 oryndy balabaqsha boı kóterýde" delingen qala ákiminiń instagram-daǵy jazbasynda.