Búgin prezıdent Qasym-Jomart Toqaevtyń tóraǵalyǵymen Qazaqstanda koronavırýs ınfeksıasynyń taralýyna jol bermeý máseleleri jóninde keńes ótti. Densaýlyq saqtaý mınıstri Alekseı Soı eldegi sanıtarlyq-epıdemıologıalyq jaǵdaı men qabyldanyp jatqan sharalar týraly baıandady, dep habarlady densaýlyq saqtaý mınıstrliginiń baspasóz qyzmeti.

– 16 qarashadaǵy epıdemıologıalyq jaǵdaıdy baǵalaý matrısasyna sáıkes respýblıka sary aımaqta tur. Shyǵys Qazaqstan jáne Soltústik Qazaqstan oblysy ınfeksıa taralý qaýpi joǵary qyzyl aımaqta. Ortasha qaýipti sary aımaqta – Pavlodar, Aqmola, Qostanaı oblystary, Nur-Sultan jáne Almaty qalalary. Qalǵan óńir salystyrmaly túrde ınfeksıanyń taralý qaýpi tómen jasyl aımaqta.

KVI-ge shaldyqqandar sany artqan jaǵdaıda, halyqqa sapaly jáne ýaqtyly kómek kórsetý úshin medısınalyq uıymdar 71 myń tósek-oryn daıyndap otyr. Qazir ınfeksıalyq tósektiń 21% jáne reanımasıalyq tósektiń 17% pasıent bar. Azamattarǵa úıde medısınalyq kómek kórsetý úshin kóshpeli mobıldi brıgadalar daıyndaldy. Mobıldi brıgadalar bıyl shildeden beri 280 myńnan astam qyzmet kórsetti.  Shilde aıymen salystyrǵanda qazir jedel medısınalyq kómek shaqyrýshylar sany 43,8%, al KVI boıynsha – 79%  tómendedi, – dedi A. Soı.