Densaýlyq saqtaý mınıstrligi Ulttyq statısıka búrosymen birlesip, medısınalyq statısıkany baǵalaý jáne taldaý jóninde keshendi jospar ázirleýi kerek. Bul týraly prezıdent Q.Toqaev basshysy indetiniń taralýyna qarsy is-qımyl sharalary jóninde keńeste aıtty.

– Sonymen qatar barlyq densaýlyq saqtaý uıymdarynyń tolyq daıyn bolýyn qamtamasyz etýdi mindettedi. Bul áskerı medısınaǵa da tikeleı qatysty. Sebebi olar indetpen kúresý úshin shuǵyl kúsh jumyldyrýǵa jáne quraldarmen jabdyqtaýǵa daıyn bolýy tıis. Medısınalyq uıymdarǵa júrgizilgen baǵalaý qorytyndysy olardyń daıyndyq deńgeıiniń áli de tómen ekenin kórsetti. Densaýlyq saqtaý nysandarynyń jartysynan astamynda zań buzýshylyqtar anyqtalǵan. Aýrýhanalar aımaqtarǵa tolyq bólinbegen. Nátıjesinde emdelýshiler men aýrýhana qyzmetkerleriniń indet juqtyrý qaýpi saqtalyp otyr. Shyn máninde, barlyq óńirlerde jan saqtaý bólimsheleriniń tıisti qural-jabdyqtarmen tolyqqandy qamtamasyz etilmegeni kórindi. Atap aıtqanda, koronavırýs indetimen qatty aýyrǵan naýqastardy emdeýge qajetti jekelegen dári-dármekter men medısınalyq buıymdardyń jetispeýshiligi baıqalady. Óńirler emdeý hattamasynda kórsetilgen dári-dármekterdi emes, ózderiniń bilgeni boıynsha preparattar satyp alýda, – dedi prezıdent.

Aqorda saıtynyń málimetinshe, Qasym-Jomart Toqaev dári-dármektermen qamtamasyz etý máselesine egjeı-tegjeıli toqtalǵan. Ol medısınalyq uıymdardyń, dárihanalardyń ne satyp alǵanyn, jalpy biryńǵaı dıstrıbúterdiń qoımalaryndaǵy dári-dármek qoryn anyqtaýdy talap etken.

Úkimet ákimderimen birlesip, bekitilgen emdeý normalary men hattamasyna sáıkes keletin dári-dármekter men medısınalyq buıymdardyń satyp alynýyn qamtamasyz etýi kerektigin atap ótken.