"Koronavırýs Qytaıdan Italıaǵa 2019 jyldyń qyrkúıek aıynan bastap taraǵan bolýy múmkin" dedi ıtalıalyq ǵalymdar.

Mılandaǵy Ulttyq onkologıalyq ınstıtýtta júrgizilgen jańa zertteýler "Kovıd-19 Eýropada resmı túrde alǵash tirkelgennen birneshe aı buryn bolǵan bolýy múmkin" dep boljaıdy.

Al, Dúnıejúzilik densaýlyq saqtaý uıymynyń habarlaýynsha, aýrý alǵash ret jeltoqsan aıynda Qytaıdyń Ýhan qalasynda baıqalǵan.

Italıada koronavırýstyń alǵashqy oqıǵasy Lombardıada 21 aqpanda tirkeldi. Biraq zertteý júrgizgen ǵalymdar ótken jyldyń qyrkúıek aıynan bastap qan úlgilerinen patogendi baıqaǵan. Olar zertteý "pandemıanyń tarıhyn ózgertýi múmkin" dep habarlady.

Zertteý "Tumori Journal" ǵylymı jýrnalynda jarıalanǵan.

Onda belgileri joq 1000-ǵa jýyq adamnyń qan úlgileri saraptama jasalǵan.

Testke qatysýshylar 2019 jyldyń qyrkúıek aıynan bastap 2020 jyldyń naýryzyna deıin Mılanda ótkizilgen qaterli isik aýrýlarynyń eriktileri boldy.

Zertteýler kórsetkendeı, pasıentterdiń 11 paıyzdan astamynda "SARS-CoV-2" shtammyna koronavırýstyq antıdeneler túzilgen, onyń 14 paıyzy 2019 jyldyń qyrkúıeginde berilgen qannan alynǵan.