Elbasymyz Teńge qunsyzdanǵan kúni «táýelsizdigimizge qaýyp tónip tur»,- dep edi. Sonda Elbasy tól teńgemizden aıyrylyp qalýymyz yqtımal  ekenin meńzedi me? Qazaqstanda teńge qunsyzdana bastaǵanda reseılik sarapshylar Eýrazıalyq odaq aıasynda ortaq valúta “altyndy” engizý týraly pikirlerin aıta bastady. Esterińizde bolsa, Reseı prezıdenti V. Pýtın osy jyldyń 10 naýryz kúni Sentrobank basshylyǵyna jáne mınsıtrler kabınetine ústimizdegi jyldyń 1 qyrkúıegine deıin EAEO jáne KO aıasyndaǵy ortaq valútalyq ıntegrasıa qurýdy jedeldetýdi tapsyrǵan bolatyn( http://old.qamshy.kz/?p=21117). İle-shala Astanada úsh el Prezıdentiniń EAEO aıasyndaǵy kezdesýi barysynda Qazaqstan men Belorýssıaǵa eýrazıalyq odaq sheńberinde ortaq valútalyq odaq qurýdy usyndyp ketken edi(http://old.qamshy.kz/?p=21683). Sonda elimizdegi osy retki bolǵan teńgeniń qunsyzdanýy Pýtınnyń tapsyrmasyna saı jasalyp otyr ma?

Eýrazıalyq odaq aıasynda Reseı jaǵy usynys pen tapsyrys jasaýshy, biz oryndaýshy bolyp otyra beremiz be? Sonda biz ata-baba armany bolǵan azattyǵymyzdy odaqtyń «Altynyna» aıyrbastaı salamyz ba? Quny tússe de, tól teńgemizden aırylǵanymyz - tarıhymyzǵa jasaǵan qıanatymyz bolmaq. Onda bar qazaqty ata-baba arýaǵy da, bolashaq urpaq ta keshirmeıdi. Ár qazaq balasy da urpaq aldanyda ary taza bolyp qalǵysy keler. Memleketimizdiń derbestigin saqtap qalý oıymyzda bolsa, ortaq valútany esigimizden kirgizbeýge barymyzdy salýymyz kerek.

Turdybek Qurmethan