Sheteldik basylymdar "Pýtın koronavırýs juqtyrǵan bolýy múmkin" dep habarlady. Oǵan sebep Reseı prezıdenti onlaın konferensıa kezinde birneshe ret qatty jótelip, sózin jalǵastyrýǵa qınalǵan.

"Bir qyzyǵy, Reseı prezıdentiniń keńsesi artynan jarıalaǵan vıdeoda Pýtınniń jóteli órshimegendeı etip kórsetilip montajdalǵan" dep jazdy "worldabcnews.com" basylymy. Reseı prezıdenti aımaqtaǵy "ótkir qarjylyq problemalar" týraly eskertip jatqanda, kenetten sóıleı almaı qınalǵan. Jótel bastalǵan kezde ol qarjy mınıstri Anton Sılýanovqa jáne basqa da joǵary laýazymdy adamdarǵa ótinish bildirdi. Pýtın "Keshirińiz" dep daýystap, oń qolyn aýzyna birneshe ret apardy.

– Keıinirek Kremldiń saıtynda jarıalanǵan prezıdent sózderiniń nusqasynda onyń jótelgen sáti óńdegen, onyń ishinde "keshirińiz" degeni de bar, – dep habarlady worldabcnews.com.

Bul jańalyq Reseıde koronavırýstan bir kúnde 456 adam ólimi tirkelgeni jarıalaǵan kezde paıda boldy.

TASS memlekettik aqparat agenttigi Kremlden Pýtınniń densaýlyǵy týraly suraǵan jáne saýalǵa onyń jaǵdaıy "múldem qalypty" dep jaýap berilgen.

"Prezıdent keshirim surady jáne kezdesýdi kidirtpeı jalǵastyrdy" dep habarlady TASS.