«Dala qazynasy» monetalar serıasynan «JETI QAZYNA» bıkolorly aınalystaǵy monetalary birqatar óńirde aınalymǵa endi, dep habarlaıdy Qamshy.kz aqparat agenttigi 24.kz-ke silteme jasap.

Olar aınalystaǵy monetalarmen qatar paıdalanylady.

Iaǵnı nomınaly 100 teńgelik «JETI QAZYNA»: «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT», «QYRAN BÚRKIT» 7 monetasy zańdy tólem quraly bolyp sanalady jáne tólemderdiń barlyq túri boıynsha qabyldanýǵa mindetti – olardy taýar satyp alýǵa nemese kórsetilgen qyzmetterge tóleýge bolady.

– Monetalardyń ólshemi ózgerissiz saqtalǵanyn, sondyqtan tólem termınaldary men basqa da kasalyq tehnıkany qosymsha qaıta teńsheýdi qajet etpeıtinin atap ótkim keledi, – dedi QR UB Qolma-qol aqsha aınalysy departamentiniń dırektory Jomart Qajymuratov.

Eger kásipkerler monetalardy qabyldaýdan bas tartatyn bolsa, onda QR ÁQBK 206-babyna sáıkes olarǵa eskertý jasalady. Bir jyl ishinde jaǵdaı qaıtalansa, 5-25 AEK mólsherinde aıyppul kózdelgen.