Tarıh ǵylymdarynyń doktory, profesor jáne eńbek sińirgen ǵylym qaıratkeri, Qazaqstannyń etnografıasy boıynsha eńbekterdiń avtory, Uly Otan soǵysynyń ardageri, ǵylym akademıasynyń qurmetti akademıgi Ýahıt Shalekenov 96 jasynda Almatyda qaıtys boldy, dep habarlady zakon.kz saıty.

Ǵalymnyń qazasy týraly aqparatty Asfendıarov atyndaǵy QazUMÝ rastady.

Ýahıt Shalekenov Batys Qazaqstan oblysy Bókeı ordasy aýdany Bórli aýylynda 1924 jyly dúnıege kelgen.

İİ dúnıejúzilik soǵysqa qatysqan, Qaraqalpaq memlekettik pedagogıka ınstıtýtyn (1948, qazirgi Nókis memlekettik ýnıversıteti) bitirgen. Qaraqalpaq oblystyq partıa komıtetinde dárisker (1948–195]), KSRO ǵylym akademıasynyń Etnografıa ınstıtýtynda aspırant (1950–1953), Ózbekstan ǵylym akademıasynyń Qaraqalpaq bólimshesinde sektor meńgerýshisi (1953–1970), Shymkent memlekettik mádenıet ınstıtýtynda kafedra meńgerýshisi (1970–1972) bolǵan. 1973 jyldan QazUÝ-da dekan, kafedra meńgerýshisi boldy.

700-den astam ǵylymı maqalasy, 30 monografıasy bar, birneshe oqý quralynyń avtory bolǵan. "Qyzyl Juldyz", 1- jáne 2-dárejeli Otan soǵysy ordenderimen marapattalǵan.