Nur-Sultan qalasynda "Adal" saıası partıasynyń kezekten tys VII sezi ótip, uıymnyń saılaýaldy baǵdarlamasynyń jobasy tanystyryldy.

Partıa baspasóz qyzmetiniń habarlaýynsha, "Adal" partıasy qoǵam ómiriniń barlyq salasynda keń aýqymdy jańǵyrtý isine kirisýge nıetti.

– Biz alǵa qoıǵan barlyq maqsatqa qol jetkizýimiz qajet. Kúndelikti jumysymyzdyń, is-áreketimizdiń máni azamattarymyzǵa qamqorlyq ekendigin kórsetkimiz kerek. Bul partıa jumysynyń máni dep sanaımyz. Partıa baǵdarlamasy 5 negizgi basymdyqtan turady. Olar: Barlyq azamatqa laıyqty ómir; Kásipkerlik – tabysty memlekettiń negizi; AÓK-ti damytý jáne azyq-túlik qaýipsizdigi; Qýatty óńir – qýatty el; Memleket adamdar úshin, – "ADAL" saıası partıasy saıası keńesiniń múshesi Oljas Ordabaev.

Partıa saıası keńesiniń múshesi Murat Qojamqulov úmitkerler tizimine ár saladan belgili azamattar engen. Tizimde 20 adam bar, onyń 10-y saıası keńes múshesi. Murat Qojamqulovtyń aıtýynsha, tizim jasaýda óńirlik, genderlik jáne basqa da tepe-teńdikti saqtaý basshylyqqa alynǵan.

"Adal" saıası partıasynan májilis depýtattyǵyna usynylǵan úmitkerler tizimi tómendegideı:

1. Serik Sultanǵalı – "Adal" partıasynyń tóraǵasy;
2. Eldar Jumaǵazıev – memleket jáne qoǵam qaıratkeri, birqatar bilim jáne áleýmettik jobalardyń avtory, ekonomıs, saıasattanýshy;
3. Ardaq Nazarov – belgili sportshy, qoǵam belsendisi;
4. Maqsat Tolyqbaı – belgili telejýrnalıst, "Ashyq alań" telejobasynyń júrgizýshisi, Maltabu.kz saıtynyń avtory;
5. Almasbek Sadyrbaev – "Shopan Ata" Qazaqstan qoı ósirýshileri qaýymdastyǵynyń tóraǵasy;
6. Dáýlet Muqaev – telejýrnalıst, qoǵam belsendisi;
7. Oljas Ordabaev – "Atameken" ulttyq kásipkerler palatasy tóraǵasynyń orynbasary, bilim berý salasynyń sarapshysy;
8. Jıgýlı Daırabaev – "Qazaqstan fermerler odaǵy" respýblıkalyq qoǵamdyq birlestiginiń prezıdenti;
9. Nurlybek Malelov – qarjyger, memleket qaıratkeri;
10. Ǵalymbek Jaqsylyqov – qoǵam qaıratkeri, Qyzylorda oblysynyń belsendi turǵyny;
11. Laýra Malıkova – "Tájirıbeli ekologtar qaýymdastyǵynyń" tóraǵasy;
12. Igor Shaskıı – kásipkerler quqyǵyn qorǵaý jónindegi sarapshy;
13. Alına Abdrahmanova – bıznes-bilim berý salasyn basqarý jónindegi maman, sarapshy;
14. Halıola Akdrashev – kásipker;
15. Lázzat Chınkısbaeva – "Meniń Atamekenim" áleýmettik qorynyń tóraǵasy;
16. Murat Qojamqulov – partıanyń Nur-Sultan qalalyq fılıalynyń tóraǵasy;
17. Ǵanı Abadan – partıanyń Almaty qalalyq fılıalynyń tóraǵasy;
18. Tımýr Ábdikárimov – partıanyń Mańǵystaý oblastyq fılıalynyń tóraǵasy;
19. Aqmaral Bekmurzaeva – bıznes-trener, kásipker;
20. Ánýar Kerembaev – ekonomıka sarapshysy.