Ázerbaıjannyń basyp alynǵan Agdam oblysyna qatysty "Agdam operasıasy" ázirlengen.  Biraq armándar jerdi bosatqan soń, ony júzege asyrýdyń qajeti joq bolyp qaldy. Ázerbaıjan prezıdenti Ilham Álıev Agdam qalasyna sapary barysynda osylaı dedi. Bul týraly Aze.az saıty habarlady. 

– Soǵystyń barlyq qupıasyn ashýǵa áli erte. Ýaqyt keledi jáne kóptegen kemshilikter paıda bolady. Biraq búgin men Agdam operasıasy josparlanǵan dep senimdi túrde aıta alamyn. Qanshama shyǵynǵa ushyrasaq ta biz báribir Agdamdy alar edik. Shýsha men 70-ten astam aýylymyz azat etilgennen keıin, jaýdyń beti qaıtty. Aq tý kóterdi, meniń sharttarymdy qabyldap, jeńilgenin moıyndady, –  dedi Alıev.

Buǵan deıin opozısıalyq "Rodına" armán partıasynyń tóraǵasy Artýr Vanesán Qarabahtaǵy soǵysty Nıkol Pashınánnyń ózi qozdyrǵanyn atap ótken bolatyn.