Nur-Sultan qalasynyń Almaty aýdandyq ákimdigi muzqalashyq salýǵa 80 mln teńge josparlap otyr, dep habarlady Eýrazıa birinshi arnasy.

Arna 80 mln teńgege ne salynatynyn bilý úshin ákimdikke hat joldaǵan.

"Almaty" aýdanynda toǵyz alań. Onyń ishinde úsh turǵyn alabynda jeti muz tóbeshigi men bes muz aıdyny ornalasady. Sondaı-aq aýdannyń úsh mektebine úsh muz aıdyny salynady" delingen habarlamada.

Alaıda ákimdik muz qalashyqtyń qunyna qatysty pikir bildirmedi.

Saıasatker Dos Kóshimniń aıtýynsha, pandemıa kezinde qarajatty únemdep jumsaý kerek.

– İndet kezinde bárimiz de qanaǵat tutyp, aqshany únemdep jumsaýǵa kóshýimiz kerek. Bul birinshiden memleketke tıisti. Memlekettiń halyqtyń aldynda belgili bir mindeti bar. Sondyqtan 80 mıllıon teńgege muzqala salý – aqylǵa syımaıtyn másele, – deıdi saıasatker.