Qarasha aıynyń basynda Ortalyq saılaý komısıasy májilis pen máslıhattar saılaýyna qatysýǵa jiberilgen alty partıany jarıalady.

Bir aıdyń ishinde barlyq partıalar ózderiniń sıezerin ótkizdi. 2020 jyldyń 5 qarashasynda «Birlik» partıasynyń saıası keńesi óziniń ataýyn ózgertý týraly sheshim qabyldady. Partıanyń jańa ataýy – «Adal». 2020 jyldyń 11 qarashasynda Qazaqstan komýnıstik halyq partıasynyń XV kezekten tys sezinde partıanyń rebrendıngi jarıalandy – «Qazaqstan Komýnıstik Halyq partıasy» ataýyn «Qazaqstannyń halyq partıasy» dep ózgertý týraly sheshim qabyldandy. 18 jáne 25 qarashada «Aýyl» jáne «Nur Otan» partıalary ózderiniń sıezerin ótkizdi. 2020 jylǵy 27 qarashada Jalpyulttyq sosıal-demokratıalyq partıa (JSDP) saılaýǵa qatyspaıtyny týraly sheshimin jarıalady.

JSDP sezinen keıin saılaý prosesine qatysýshy partıalar sany beseý boldy: «Aq jol» Demokratıalyq partıasy, «Aýyl» Halyqtyq-demokratıalyq partıasy, «Adal» partıasy, «Qazaqstannyń halyqtyq partıasy», «Nur Otan» partıasy.

«Qoǵamdyq pikir» zertteý ınstıtýty partıalyq reıtıńterdiń kezekti bólimin usynady. Saýalnama ınstıtýttyń jeke qarajatyna 2020 jyldyń jeltoqsan aıynyń birinshi aptasynda suhbat túrinde (face-to-face) ótkizildi, reprezentatıvti irikteme boıynsha 1200 respondentke saýalnama júrgizildi, qatelik +/- 2,82%-dy qurady. Zertteý geografıasy: Qazaqstan Respýblıkasynyń 14 oblysy, Nur-Sultan, Almaty, Shymkent qalalary.

«Eger saılaý jaqyn jeksenbide ótetin bolsa, onda Siz qaı saıası partıaǵa daýys beretin edińiz?» suraǵyna respondentter kelesi jaýap nusqalaryn berdi: «Nur Otan» – 72,5%, «Aýyl» – 6,0%, «Aq jol» – 5,5%, «QHP» – 4,7%, «Adal» – 2,5%. Respondentterdiń 8,8%-y jaýap berýge qınaldy.

Parlament májilisiniń saılaýyna bir aı qaldy. 10 qańtardan bastap partıalar halyq arasynda úgit-nasıhat jumystaryn belsendi júrgize bastaıdy, osylaısha aldaǵy aı sheshýshi bolady. Saılaý qarsańynda ótkiziletin saýalnama nátıjelerin qańtardyń basynda jarıalaımyz.

Aınýr Majıtova,

«Qoǵamdyq pikir» zertteý ınstıtýtynyń dırektory,
áleýmettik ǵylymdar magıstr