AQSH-tyń saılanǵan prezıdenti Djo Baıdenniń uly Hanter Baıdenniń salyq isteri tekserilip jatqany málim boldy. Aqparatty Hanterdiń ózi jarıalady. Tergeýdi Delaverdegi federaldy prokýrorlar júrgizýde. 

BBC aqparatyna sáıkes, Hanter Baıden bul isti "óte baıypty" qabyldaǵanyn, biraq "obektıvti sholý" onyń isterin "zańdy jáne oryndy" sheshkenin kórsetetinine senimdi ekenin aıtty.

Baıden "balasymen qatty maqtanatynyn" aıtqan.

Komandanyń málimdemesinde Hanter "qıyndyqtarmen, sonyń ishinde sońǵy aılardaǵy jekkórýshilik shabýyldarmen kúresip, tek kúsheıe tústi" delingen.

Hanter Baıden tergeý týraly seısenbide bilgenin aıtty. Ol budan basqa málimetterdi jarıalamady.

Saılanǵan prezıdenttiń uly 2020 jylǵy saılaý naýqany kezinde jıi synǵa ushyrady. Respýblıkashyldar Hanterdiń Djo Baıden Barak Obama ákimshiliginde vıse-prezıdent bolyp turǵan kezde Ýkraına men Qytaıdaǵy saýda-sattyqtarynan kúdiktengen.