10 jeltoqsan kúni saǵat 18:00-de eldegi saılaý naýqanynyń úgit-nasıhat kezeńi bastaldy. Partıalar Saılaýaldy baǵdarlamalary negizinde túrli aksıalar men is-sharlar ótkizý jumystaryna kóshti. Osy oraıda «Nur Otan» partıasy Shymkent qalalyq fılıaly da naýqanǵa saqadaı saı daıyndyqpen kelgenin málimdep, úgit-nasıhat kezeńiniń is-sharalaryn bastap ketti.

Partıa Tóraǵasynyń Birinshi orynbasary atap ótkendeı, bıylǵy úgit-nasıhat jumystary «jandy» formatta saılaýshylarmen adal jáne ashyq dıalog negizinde júzege asýda. Kandıdattarǵa 20/80 formýlasyn ustaný tapsyrylǵandyqtan bıyl partıanyń saılaýaldy baǵdarlamasyn túsindirýge 20% jáne suraqtarǵa jaýap berýge 80% basymdylyq beriletin bolady.

Osy maqsatta Shymkenttegi úgit-nasıhat kezeńi «Esikten esikke» aksıasymen alǵashqy kúnniń shymyldyǵyn túrdi. Aksıa aıasynda qalalyq máslıhat deptýtattyǵyna úmiterler men eriktiler toby turǵyndardy úıme-úı aralap, partıanyń Saılaýaldy baǵdarlamasyn túsindirý jumystaryn júrgizdi.

Búgingi «Esikten esikke» aksıasy Qarataý aýdanyna qarasty «Nursat» shaǵyn aýdanynda ótti. Sharaǵa qalalyq máslıhat depýtattyǵyna úmitker Arman Orynbekov pen «Jas Otan» jastar qanatynyń eriktileri qatysty. Halyq nurotandyqtardy jyly lebizimen qabyldap, shaǵyn aýdan boıynsha túıtkildi máselelerimen bólisti. Tyńdalǵan talap-tilekter negizinde arnaıy tizim jasaqtaldy. Turǵyndardyń basym bóligi jylý, qoqys, jaryqtandyrý, aýla tazalyǵy men sport alańdaryn salý máselesi boıynsha shaǵymdanǵan.

Aıta keteıik, Saılaý naýqanynda qala boıynsha 679 is-shara ótkizý josparda. Sondaı-aq, Shymkent qalasy boıynsha «Nur otan» partıasy atynan saılaýǵa túsetin úmitkerlerdiń baǵdarlamalaryn nasıhataýǵa «Jas otandyqtardan» 500-ge jýyq jastar atsalysady dep kútileýde.

Materıal "Nur Otan" partıasy Shymkent qalalyq

fılıaly baspasóz qyzmeti

"Nur Otan" partıasy Shymkent qalalyq saılaý qory qarajaty esebinen tólendi