Amerıka reseılik S-400 zenıttik zymyran keshenin satyp alǵany úshin Túrkıaǵa sanksıa salady, dep habarlady RIA Novostı saıty.
AQSH memlekettik hatshysy Maık Pompeo Ankaranyń reseılik "Rosoboroneksportpen" "S-400 zymyran-zenıttik keshenderin satyp alý jónindegi" yntymaqtastyǵy úshin Túrkıaǵa sanksıa engizilip jatqanyn aıtty.
"Túrkıa AQSH úshin aımaqtyq qaýipsizdiktiń baǵaly jáne mańyzdy seriktesi jáne biz Túrkıanyń qolyndaǵy S-400 túrindegi kedergini múmkindiginshe tezirek alyp tastap, qorǵanys salasyndaǵy ónimdi yntymaqtastyqtyń uzaq jyldyq tarıhyn jalǵastyrǵymyz keledi" delingen sheneýniktiń jazbasha málimdemesinde.
Túrkıanyń syrtqy ister mınıstrligi habarlaǵandaı, AQSH jarıalaǵan birjaqty sanksıa qabyldanbaǵan.
"Túrkıa NATO-nyń qatysýymen tehnıkalyq jumys tobyn qurýdy jáne birneshe ret bul máseleni obektıvti jáne naqty negizde, saıası kózqarastardan tys sheshýdi usynady. Biz AQSH-ty osy ádiletsiz sanksıalyq sheshimdi qaıta qaraýǵa shaqyramyz" delingen qujatta.
Pikir qaldyrý