Ázerbaıjannyń Hankendı qalasyna bosqyndary bar avtobýstar kelip jatyr. Ótken táýlikte 400-den astam adam Taýly Qarabaqtaǵy úılerine oraldy. Al úsh el arasyndaǵy bitimgerlikke qol qoıylǵan kúnnen bastap jalpy  40 myń adam keldi. Bul týraly aze.az saıty habarlady. 

Bosqyndardy tasymaldap jatqan avtobýstar reseılik patrúlderdiń baqylaýynda. Qaıta oralǵan adamdarǵa alǵashqy medısınalyq kómek kórsetilýde. Atap aıtqanda, Hankendıde áskerı-dalalyq gospıtál ornalastyryldy. Onda eresekter de, balalar da júgine alady. 

Qarabaqtyń 24 eldi mekenine elektr energıasy qaıta qosyldy. Sonymen qatar, olar (reseılik bitimgerler – red.)  habar-osharsyz ketkenderdi tabý boıynsha kúrdeli jumystar júrgizýdi bastady. 

Alaıda bir másele áli jaýabyn naqty tapqan joq. Qaıta oralǵan bosqyndar, ózderi kelgen Ázerbaıjan Respýblıkasynyń zańdaryn tanýǵa jáne saqtaýǵa kelise me?  Ázerbaıjan basylymynyń habarlaýynsha, bul  suraq ashyq kúıinde qalyp otyr.