400 sózben túsindirý. Ulybrıtanıadaǵy COVID-19-dyń tez taralatyn jańa túri

/image/2020/12/21/crop-17_5_423x627_england.jpg

COVID-19-dyń tez taralatyn jańa mýtasıasy Ulybrıtanıada taralǵandyqtan Eýropa elderi Birriken Koróldiktiń jolaýshylaryna tyıym sala bastady. Koronavırýstyń jańa túri 70 paıyzǵa juqpaly jáne Londonda qatty taralýda.

Vırýstar únemi ózgerip otyrady. Maýsymdyq tumaý jyl saıyn mýtasıaǵa ushyraıdy, soǵan uqsas pandemıa bastalǵannan beri COVID-19 mýtasıaǵa ushyrap, jańa túrleri paıda bolýda.

Sońǵy kúnderi Birikken Koróldikte anyqtalǵan jańa túrge baılanysty alańdaýshylyq kúsheıe tústi.

Dese de ǵalymdar vaksına vırýspen kúreste áli de tıimdi ekenin aıtady. Jańa shtammnyń ólim mólsheri tómenirek. Alaıda adamdar odan saıyn ýaıymdaýda, óıtkeni bul mýtasıa 70 paıyzǵa juqpaly.

VUI-202012/01 dep atalǵan koronavırýstyń jańa túri (2020 jylǵy jeltoqsandaǵy alǵashqy zertteý nusqasy) qyrkúıektiń ortasynda Ulybrıtanıanyń ońtústik-shyǵysynda, el astanasy Londonda nemese Kent graftyǵynda paıda bolǵan dep boljanýda.

Anglıadaǵy qoǵamdyq densaýlyq saqtaý salasynyń qyzmetkeri Súzan Hopkıns 18 jeltoqsan kúni jańa shtamnyń modeldeýin jarıalap, Ulybrıtanıa úkimetine eskertý jasaǵan jáne óte salmaqty másele ekenin málimdegen. Ulybrıtanıa óziniń qorytyndylaryn Dúnıejúzilik densaýlyq saqtaý uıymyna sol kúni tapsyrdy.

Sodan beri jańa shtamm eldiń ońtústik-shyǵysynda tez taralyp, vırýstyń basym túrine aınaldy.

Sońǵy aptada Londonda aýrý jaǵdaılarynyń 62 paıyzy jańa vırýsqa baılanysty boldy. Al úsh apta buryn bul 28 paıyz ǵana bolǵan.

Vırýstyń osyndaı jyldam damýy paıda bolǵan soń, Ulybrıtanıa úkimeti aldaǵy Rojdestvo kezinde qatań buǵattaý sharalaryn qoldanýǵa kóshti.

Buǵan deıin Ulybrıtanıa premer-mınıstri Borıs Djonson adamdarǵa merekelik jıyndarda kezdesýge ruqsat berýdi josparlaǵan.

Ulybrıtanıanyń bas ǵylymı keńesshisi Patrık Vallens jańa nusqa basqa elderde de bolýy múmkindigin, biraq Ulybrıtanıada bastalǵan bolýy yqtımal ekenin jarıalady.

Nıderlandy men Belgıa tez áreket etip, jańa shtammnyń taralýyn toqtatý úshin Ulybrıtanıadan kelgen saıahatshylarǵa tyıym saldy.

Nıderlandy bıligi jańa shtammǵa baılanysty kem degende bir jaǵdaı tapqanyn jáne 1 qańtarǵa deıin Ulybrıtanıa jolaýshylaryn tasymaldaýǵa tyıym salynǵanyn málimdedi. "Belgıa Ulybrıtanıadan reıster men poıyzdardyń kelýin kem degende 24 saǵatqa toqtatady" dep habarlady Belgıa premer-mınıstri Aleksandr De Krý.

Ulybrıtanıanyń bas medısınalyq qyzmetkeri Krıs Ýıttıdiń aıtýynsha, qazirgi kezdegi synaqtar jańa vırýsty anyqtaı alady.

Ǵalymdardyń aıtýynsha, jańa shtamm 23 ózgeristi qamtıdy jáne onyń deni vırýs jasaǵan aqýyzdyń ózgerýine baılanysty.

Ulybrıtanıanyń densaýlyq saqtaý mınıstri Mett Henkok jańa lokdaýn sharalary biraz ýaqytqa deıin saqtalýy múmkin ekenin boljady.

"Jańa nusqanyń qanshalyqty tez taralatynyn eskersek, vaksına shyǵarylmaıynsha, ony baqylaýda ustaý óte qıyn bolady" dedi Hankok.

Shotlandıanyń birinshi mınıstri Nıkola Sterdjon Tvıtterde mýtantty shtamm jaǵdaılary Shotlandıada "Ulybrıtanıanyń qalǵan bóligine qaraǵanda tómen" dep málimdedi, biraq "tez taralatyn shtammdy toqtatý úshin aldyn alý sharalary qajet bolýy múmkin" dep eskertti.

Ulybrıtanıada osy ýaqytqa deıin COVID-19-dan 67 myńnan astam adam qaıtys boldy, bul jaǵdaı eldi Italıamen birge Eýropadaǵy eń aýyr zardap shekkenderdiń birine aınaldyrdy.

Jańa shtamm paıda bolǵan soń, álemniń 20 eli Ulybrıtanıamen áýe qatynasyn toqtatqanyn jarıalady.

400 sózben túsindirý. Ulybrıtanıadaǵy COVID-19-dyń tez taralatyn jańa túri

Qatysty tegter :

Pikir qaldyrý

Qatysty Maqalalar