"Aq jol" partıasynyń tóraǵasy Azat Perýashev ózderin tájirıbeli partıa ekenin aıtyp, saılaýaldy naýqan barysynda zańsyzdyqtarǵa barmaıtynyn málim etti.
Buǵan deıin eks-bankır, Qazaqstanda ekstremıstik dep tanylǵan "Qazaqstannyń demokratıalyq tańdaýy" qozǵalysynyń jetekshisi Muhtar Áblázov jaqtastaryn Nur Otan partıasyna qarsylyq retinde Aq jol partıasyna daýys berýge shaqyrǵan. Sondaı-aq ol Nur Otan partıasynyń úgit qaǵazdaryn jyrtýǵa, ilinip turǵan jerinen alyp tastaýǵa úndegen.
Azat Perýashev zań talaptaryna sáıkes kelmeıtin úgit-nasıhat materıaldary partıa tarapynan jasalynyp jatpaǵanyn atap ótti.
– Kez kelen saılaýshy belgili bir partıa úshin daýys berse, demek ol basqa partıalarǵa qarsy daýys bergeni ǵoı. "Aq jol" partıasy on segiz jyldyq tájirıbesi bar, kóp jyldar boıy saıası sahnada júrgen partıa retinde tek zańdyq sharalardy ǵana jasaıdy ári azamattardy saılaýaldy zańnamaǵa áreketterdi ǵana isteýge shaqyrady. Eger saılaýshylar, bolmasa baqylaýshylar zań talaptaryna sáıkes kelmeıtin, zań talaptaryna jaýap bermeıtin úgit-nasıhat materıaldaryn nemese úgit-nasıhat is-sharalaryn kórse, bul "Aq jol" partıasyniki emes ekenin málimdeımin, – dedi Azat Perýashev.
Buǵan deıin Muhtar Áblázov jaqtastaryn Nur Otan-ǵa qarsylyq retinde JSDP partıasyna daýys berýge shaqyrǵan. JSDP ókilderi eks-bankır áreketin "arandatý" dep baǵalaǵan. Artynsha JSDP aldaǵy parlament májilisi saılaýyna boıkot jarıalaǵan.
Pikir qaldyrý